Breytingabeiðnir

Hvað er breytingabeiðni?

Breytingabeiðni (change request) er formleg beiðni til útgáfuteymis um að birta breytingu í raunumhverfi . Breytingin hefur þegar verið búin til og prófuð í þróunarumhverfi.

Mikilvægt: Breytingabeiðni er fyrirmæli um birtingu , ekki beiðni um leyfi. KS hefur þegar tekið ákvörðunina og prófað lausnina. Útgáfuteymið birtir – það samþykkir ekki efnislega.

Ferlið

1. KS býr til reglu í sandbox – trigger, sjálfvirkni, reitur, eyðublað, kvikt efni eða annað.
2. KS prófar ítarlega – jákvæðar, neikvæðar og jaðartilvikaprófanir (sjá kafla 6.2).
3. KS sendir breytingabeiðni – í formi erindis (ticket) í Zendesk.
4. Útgáfuteymi yfirfer – athugar skjölun, prófanir og samræmi.
5. Útgáfuteymi birtir – endurgerir breytinguna í framleiðsluumhverfi.
6. KS staðfestir – athugar að breyting virki rétt í framleiðslu.

Hvernig sendum við breytingabeiðni

Breytingabeiðni er send í gegnum form á þjónustusíðu Stafræns Íslands erindi (ticket) í Zendesk – þannig fær hún sömu eftirfylgni og önnur erindi.

Hvað á breytingabeiðni að innihalda

Liður	Lýsing	Dæmi
Titill	Stutt og lýsandi	„ASSIGN - Nýtt tæknierindi á tækniteymi (Sjúkra)"
Tegund breytinga	Trigger, sjálfvirkni, reitur, eyðublað, o.fl.	Trigger
Nafn reglunnar	Nákvæmt nafn eins og það er í sandbox	ASSIGN - nýtt erindi á tækniteymi
Lýsing	Hvað reglan gerir og hvers vegna	„Nýtt erindi frá HSA fer sjálfkrafa á tækniteymi og fær Normal forgang."
Skilyrði	ALL og ANY skilyrði	ALL: Status New, Org is HSA
Aðgerðir	Hvað reglan gerir	Set group: Tækniteymi Sjúkra, Set priority: Normal
Prófunarniðurstöður	Samantekt af prófunum	4 prófanir – allar staðist (sjá viðhengi)
Röðun	Ef röðun skiptir máli, hvar í listanum	„Á eftir SET - bráðamál hækka forgang"

Ráð: Því betri skjölun, því hraðari birting. Vel skjalfest breytingabeiðni fær svör  fyrr en ófullnægjandi.

SLA – þjónustustig

Útgáfuteymi hefur SLA (þjónustustig) á breytingabeiðnum:

SLA: Svarað og birt innan 8 klukkustunda á vinnutíma . 

Þetta þýðir:

• Beiðnir sendar innan vinnutíma fá svar sama dag eða næsta virka dag.
• Beiðnir sendar utan vinnutíma byrja að telja við upphaf næsta vinnudags.
• 8 klukkustundir eru vinnutími – helgar og frídagar teljast ekki.

Ábyrgðarskipting

Hlutverk	Ábyrgð
KS	Búa til reglu, prófa ítarlega, skjalfesta, senda breytingabeiðni. Ber ábyrgð á reglunni.
Útgáfuteymi	Yfirfer skjölun, endurgerir í framleiðslu, staðfestir birtingu.  Útgáfuteymið er skipað sérfræðingum úr annars stigs stuðningi Ísland.is
Kerfisstjórar (admins)	Samþykkja reglur sem spanna stofnanir. Birta í neyðartilvikum.

KS ber ábyrgð: Ekki gefa út reglu ef þú hefur ekki færi á að fylgjast með fyrst eftir útgáfu.

Dæmi um breytingabeiðni

Titill: ASSIGN - Nýtt tæknierindi á tækniteymi (Sjúkra)

Tegund: Trigger

Nafn í sandbox: ASSIGN - nýtt erindi á tækniteymi 

Lýsing: Þegar nýtt erindi berst frá Sjúkratryggingum Íslands er því sjálfkrafa úthlutað á tækniteymi HSA og forgangur settur á Normal. Þetta minnkar handvirka vinnu og tryggir að erindi berist á réttan stað strax.

ALL skilyrði: Status is New · Organization is Heilbrigðisstofnun Austurlands

Aðgerðir: Set group: Tækniteymi Sjúkra · Set priority: Normal

Prófanir: 4 prófanir keyrðar – allar staðist. Sjá viðhengt prófunarskjal.

Röðun: Á eftir SET - bráðamál hækka forgang (til að bráðamál fái rétt forgang fyrst).